2026ko udaberrirako prestatu dituen bi bidaiaren berri eman du Baigera jubilatuen eta pentsiodunen elkarteak. Martxoan Valentziara (Herrialde Katalanak) eta ekainean Asturiasera (Espainia) joango dira Baigerakoak, eta bi irteeretarako izen ematea ireki du jada.
Sei egunekoa da Baigerakoek Valentziara egingo duten txangoa, martxoaren 23tik 28ra. Hiriburuan Arteen eta Zientzien hiria ikusiko dute, besteak beste, eta Aiora, Xativa, Utiel, Requena, Bunyol, Sagunto eta Altea herriak ere bisitatuko dituzte. Ekainaren 4tik 7ra, berriz, Asturiasera lau eguneko irteera egingo dute Azpeitiko jubilatuen eta pentsiodunen elkartekoek. Oviedo, Gijon, Ribadesella, Cudillero, Luarca, Lastres eta Villaviciosa ezagutzeko aukera izango dute bidaiariek.
Bi bidaia horien gaineko informazioa zein izena ematea nahi dutenek, Baigeraren bulegora edota Halcon bidaia agentziara jo dezakete jada.