Donostiako Gros xake klubak irabazi zuen zapatuan jokatutako X. Azpeitia Hiria Txapelketa. Grosekoek nagusitasun osoz bereganatu zuten saria, txapelketako hamahiru txandak hutsik egin gabe irabazita, jokoan izan zituzten 52 puntuetatik 45,5 erdietsita. Abadiñoko taldeak ere (Bizkaia) lan bikaina egin zuen: bigarren postuan sailkatu zen, 44,5 punturekin. Beasaingo (Gipuzkoa) Alfil taldeak osatu zuen podiuma, 43,5 punturekin.
Alejandro Franco Donostiako taldearekin lehiatu zen eta, taldekako saria ez ezik, lehen taulako jokalari onenaren saria ere berenagatu zuen Azpeitian bizi den nazioarteko maisuak, hamahiru puntutatik 12,5 eskuratu ondoren. Banakako garaipen eta puntu uztaren zati bat bere semeari irabazita lortu zituen Francok; Azpeitiko Odriozola Farmazia taldearekin lehiatu zen Alex Franco. Aita-semeen arteko lehia hori izan zen zapatuko txapelketaren une berezienetako bat.