Julen Egigurenek eta Iñigo Bikuñak esku pilotako Donostia Hiria torneoaren B Serieko finala jokatzeko txartela eskuratu zuten atzo Atano III.a pilotalekuan.
Aurrelari azpeitiarrak eta atzelari donostiarrak aise gainditu zituzten Salaberria eta Gabirondo: 22-5 izan zen atzo jokatutako finalaurrekoaren azken emaitza.
Ostiral gauean jokatuko dute finala Egigurenek eta Bikuñak, eta Zubizarreta-Lizeaga bikotea izango dute aurrean. 21:15ean hasiko da etziko jaialdia Atano III.ean, eta B Seriekoa ez ezik, maila nagusiko finala ere jokoan izango da bertan; Altuna-Rezusta eta Artola-Iztueta bikoteek jokatuko dute hori.