Getariako Txakolinaren Egunaren VIII. edizioa egin dute gaur eguerdian, Perez Arregi plazan. Hainbat txakolindegitako edariak eta Gaixo eta Elbarrien Aisialdi Taldekoek prestatutako pintxoak dastatzeko aukera izan dute herritarrek. Eguraldia lagun, dozenaka herritar joan dira dastaketara, eta 12:30etik 14:30era bitartean, jan-edanaz gozatu dute horiek.
Aurtengoan zortzi upategitako txakolina dastatu ahal izan dute: Aitaren, Ameztoi, Arregi, Blai, Erlete Goikoa, Flysch, Mokoroa eta Ulazia. Gainera, giroa alaitzeaz Bankako Menditarrak taldea arduratu da, eta herritar hainbat animatu dira haien doinupean dantza egitera.
(Argazkiak: Kris Fernandez eta Azpeitiko Udala)