Joan den asteazkenean Ordizian (Gipuzkoa) Artzain Eguna ospatuta, eta igandean Berastegin (Gipuzkoa) larreen irekiera ekitaldia eginda, beren abereak uda sasoirako goi mendietako larreetara eramaten dituzten artzain eta ganaduzale asko egunetan ari dira trashumantzian, beren baserri eta etxealdeetatik larre horietarako bidea egiteko.
Aralar aldera ardiak trashumantzian eramango dituenetako bat da Abel Segurola. Asteburuko eguraldi txarrak planak atzerarazi dizkio Segurola Azkue sendiari, eta atzo abiatu ziren, azkenean, Elosiagatik Txindokiren magalean dagoen Beltzulegi txabola aldera.
Uda amaiera arte hango larreetan ibiliko dira Segurolaren ardiak.
