Hilabete luzez itxita egon ondoren, martxan da berriro Baigera II-ko taberna-jatetxea. Atzo arratsean ireki zituen berriro ateak jubilatuen Sanjuandegiko egoitzaren ostalaritza zerbitzuak, kudeatzaile berriekin, eta harrera bikaina egin zioten herritarrek irekierari.
Inauguraziorako, 19:00etatik 21:00etara pintxoak doan banatu zituzten, eta beteta egon zen Baigera II, barru zein kanpo, terrazan egoteko ere lagundu baitzuen giroak.