Aste Santuko egunetarako egitarau berezia antolatu du Ekoetxeak, Azpeitiko Udalak lagunduta. Apirilaren 17an hasi eta hilaren 21era arte, Igarako errota hidraulikoa ezagutzeko bisitak eta ibilbideak antolatu ditu. Arratsaldez, berriz, jolasaren bitartez jasangarritasuna ezagutzera gonbidatuko ditu herriko familiak.
Apirilaren 17an, 18an, 19an, 20an eta 21ean, Igarako XVIII. mendeko errota hidraulikoa ezagutzeko bisitan egingo ditu Ekoetxeak, 12:00etatik 13:00etara. Sarrera doakoa da, eta haurrek zein helduek parte hartu ahal izango dute, honako esteka honetan izena emanez gero.
Egun horietan, 17:00etatik 18:30era, jolasak egingo dituzte. Mapa bat banatuko zaie parte hartuko duten familiei, eta Ekoetxearen txokoetan barrena arituko dira pisten, galderen eta erronken bila. Ingurumenari buruz hausnartzea eta jasangarritasuna ezagutzea da egitasmoaren helburua. Ekintza hori ere doakoa izango da, eta honako esteka honetan eman daiteke izena.