Landa lanetan jasotzen den informazioaren antolaketa eta egituraketa izango ditu helburu Grafiaz Betea egitasmoaren bosgarren saioak. Usue Arrieta arrasatearrak gidatuko du eta, ohi bezala, Dinamoa sormen gunean egingo dute, 18:00etatik 20:00etara. Parte hartu nahi dutenek lotura honetan eros dezakete sarrera.
Irudiak sortzeko erabiltzen diren grafiak ezagutzera ematea da Grafiaz Betea egitasmoaren helburua, eta aurten hirugarren edizioa antolatu du Kulturaz kooperatibak. Ikasturte honetan, arte grafikoetatik pixka bat aldendu eta beste grafia batzuk ezagutzera egin dute jauzi, sinisten baitute grafia guztiak izan daitekeela lanerako iturri.