Alde Zaharreko bi eraikinetako teilatuetan uralita xaflak solte eta kalera erortzeko arriskuan zeudela eta, bi dei jaso ditu gaur Azpeitiko Udaltzaingoak. Horrelako gertaeratan dagokion bezala, arriskua saihesteko suhiltzaileek esku hartu behar izan dute bi kasuetan. Goizean, herriko plazako etxebizitza baten teilatuan aritu dira lanean, eta 13:45 aldera Erdikaleko 28. zenbakiaren teilatuan.