Matxinbentako herri kaskoko etxeetan telebista ikusteko moduan dira berriro. Herrigunetik beheraxeago dagoen antena baten seinaleari esker ikusten dute telebista Matxinbentan. Antena hori Azpeitiko Udalak jarri zuen, baina seinalea kaskoraino iristen ez zenez, antenatik kablea botata lortu zuten auzotarrek bere garaian telebista seinalea herri kaskoko etxeetara iristea. Auzotarrek auzolanean jarritako kablea zen hura, hain zuzen.
Urteen poderioz, ordea, telebista ikustea ahalbidetzen zuen kablea hondatzen joan da, eta azken boladan antena seinale bidezko telebistarik ikusi ezinda egon dira Matxinbentako kaskoan. Orain, egoera konpontzeko lanak egin ditu udalak, kablea eta zutoinak konponduta, eta telebistaren seinalea jasotze hasi dira berriz ere herriguneko etxeetan.
14.980 euroko aurrekontua izan dute lanek.
Udalaren langileak, kable berria jartzeko lanetan. (Azpeitiko Udala)