Klima aldaketaren testuinguruan energiaren eta uraren negozioak izan zituen atzo arratsaldean hizketagai Fernando Valladares Espainiako Zientzia Ikerketen Kontseilu Nagusiko (CSIC) ikerlariak Sanagustin kulturgunean. Besteak beste, giza jarduerak biodibertsitatean eta klima aldaketan duen eraginaz hitz egin zuen ikerlariak. Sañu Bizirik taldeak antolatu zuen Valladaresen hitzaldia, eta 80 herritar inguru elkartu ziren saioan.
