Profesionalen eskuzko binakako bi txapelketen partidak hartuko ditu ostiral honetan Izarraitz pilotalekuak, eta txapelketa nagusikorako materiala gaur eguerdian hautatu dute Izarraitzen bertan.
Erik Jakak eta Ander Imazek aurrena, eta Iñaki Artolak eta Jon Mariezkurrenak segidan, Jon Apezetxea Aspeko intendenteak lagunduta, aitaren batean hautatu dituzte hiruna pilota, etzidamu elkarren kontra jokatuko duten neurketarako. Bikote bakoitza besteak aukeratutako pilotak probatzen aritu da ondoren, eta arazorik gabe eta segituan bukatu dituzte lanak.