Bihar, asteartez, egingo dituzte umeen eta helduen danborradetarako lehenengo entseguak, Izarraitz pilotalekuan. Lehen saioak eginda, hurrengo bi egun segidetan izango dituzte danbor jotzaileek gainerako bi hitzorduak: asteazkenean eta ostegunean.
Danborrada bakoitzeko kideek hiruna entsegu egingo dituzte. Haurrenak, ohi bezala, 16:00etatik 17:00etara izango dira. Helduenak, berriz, 21:00etan hasiko dituzte. Entsegu horietako batzuetan Udal Musika Bandak zuzenean joko ditu danborradako piezak.