Bigarren aldiz eman dute Gladys saria Puntueusek, Gipuzkoako Foru Aldundiak eta EHUren Informatika Fakultateak, eta Olatz Perez de Viñaspre Azpeitiko bizilaguna izan da aurten aitortza jaso duena. Gaur egin dute sari banaketa ekitaldia Donostian, EHUren Informatika Fakultatean.
Emakume informatikari euskaldunen lana balioestea eta ikusaraztea da Gladys sariaren helburu nagusia. 20 hautagaiko zerrendatik aukeratu dute Perez de Viñaspre; "teknologian generoa eta euskara aldarrikatzeko hark eginiko lana txalotu" du epaimahaiak.