Hasi da Bertan Azpeitiko merkatarien elkarteak antolatutako udaberri-uda denboraldiko produktuen Stock Azoka. Atzo arratsaldeko 16:00etan ireki zituzten postuak, eta asko izan ziren lehen orduan pagotxik onenen bila joan ziren herritarrak.
Guztira, 43 saltokik parte hartu dute aurtengo azokan, eta horiek denboraldiz kanpoko produktuak jarri dituzte salgai. Stockaren gune nagusia Azoka Plaza da, eta hamabi dendetako produktuak jarri dituzte bertan. Horiez gain, beste 31 dendek jarri dute postua, gehienak saltokien atarian.
Egitasmoaren barruan, hainbat animazio ekintza antolatu ditu Bertanek. Gaur eguerdian Antxieta musika eskolako ikasleeen emanaldiak girotuko du azoka, eta arratsaldean Iagomagoren ikuskizunaz gozatzeko aukera izango da. Gaur arratsaldeko 20:00etan bukatuko da Bertan merkatari elkarteak antolatutako Stock Azoka.