Azpeitiko Urola Expres tabernan lapurreta egin dute bart gauean. Ertzaintzak hedabide honi aderazi dionez, 07:30ean jaso dute Udaltzaingoaren deia. Ertzainak bertaratu dira gunera, eta lapurrak sartu direla baieztatu ahal izan dute. Ertzaintzak ikerketa zabaldu du gertaera argitzeko. Oraingoz, ez dute inor atxilotu.
Uztarriak jakin ahal izan duenez, ez da Urola Expresen lapurreta egiten duten lehen aldia. Gainera, azken hilabeteetan inguruko kafetegi gehiagotan ere sartu dira lapurrak. Urtea hasi denetik, ohikoak izan dira herrian lapurretak, eta udalak adi ibiltzeko eskatu zuen urtarrilean.