Igandeaz geroztik, festak ez du etenik izan Azpeitian, eta herritarrek festarako gogoa zutenik ezin da uka. Horren erakusle dira gaur goizeko goiz eresiak utzi dituen irudiak. Dozenaka eta dozenaka herritar ibili dira kalean gora eta behera "hementxen dala" abestuz, Udal Musika Bandaren atzetik. Gero, ohikoa denez, sokamuturra izan da.
Festak ez du atsedenik hartzen, baina karnabalak hasi dira azken txanpara iristen. Dena den, oraindik izango da zer gozatua gaur arratsaldean. Izan ere, sokamuturra, haurrentzako Piraten istorio bat emanaldia, Irulitxa txarangaren kalejira eta suzko zezena izango dira.