Azken egunotan hainbat lapurreta eta lapurreta saiakera izan dira Azpeitian. Besteak beste, bi etxebizitzatan, saltoki batean nahiz kafetegi batera sartu dira lapurrak azken asteetan, eta ondorioz, Azpeitiko Udalak kaleetako zaintza "indartu" egin du. Erakundeak azaldu duenez, uneotan Ertzaintza eta Udaltzaingoa ari dira gertaera horiek ikertzen.
Halaber, herritarrei "adi" ibiltzeko eta zerbait arraroa sumatuz gero Udaltzaingoarekin edo Ertzaintzarekin harremanetan jartzeko eskatu die udalak. Lapurreta susmorik izanez gero, honako telefono hauetara deitzeko eskatu du udalak: 092 (Udaltzaingoa) edo 112 (Larrialdiak).