Abenduaren 10ean, ostiralez, eskalatzaile ezagun batek bisitatuko du Azpeitia: Adam Ondra eskalatzaileak. Txekiarra 9b+ eta 9c zailtasun mailako bideak eskalatu dituen lehenengo kirolaria da, 9a zailtasuneko ia 200 bide eskalatu ditu, dozenaka domina eskuratu munduko txapelketetan...
22:00etan eskainiko du solasaldia Soreasu antzokian, eta Patxi Usobiaga eskalatzaile eibartarrak gidatuko du saioa. Sarrerak gaur arratsaldean jarriko dira salgai, Kulturaz.eus webgunean.