Koronabirusaren pandemia tarteko, iaz ez zuten Azpeitiko Zezen Beltz asteburua antolatu, baina aurten berriro itzuliko da. Zezen Beltz batzordeak antolatuta, urriaren 16an eta 17an ospatuko dute Zezen Beltz asteburua. Antolatzaileek aurreratu dutenez, egun indarrean dauden segurtasun neurriak errespetatuz egingo dituzte ekintzak. Beraz, ez dira ohikoak diren Artzubiko eta plazako ekintzak egingo.
Honako hau da aurtengo Zezen Beltz asteburuko egitaraua:
Urriak 16, larunbata.
– 12:00: zezen txikiak umeentzat, Perdillegiko jolas tokian.
– 17:00: Grand Prix ikuskizuna, zezen plazan.
Urriak 17, igandea.
– 12:00. zezen txikiak umeentzat, Perdillegiko jolas tokian.
– 17:00: uztaiekin erakustaldia, nesken errekorte ikuskizuna, gizonezko errekortariak eta errekortari gazteak, zezen plazan.
Sarrerak salgai dagoeneko
Zezen Beltz elkarteko kideek azaldu dutenez, Grand Prixerako eta errekortarietarako sarrerak erosi beharko dira, 5 eurotan. Dagoeneko salgai daude Korrale, Mendizabal, Jim Clark, Intz, Berdie eta Eguzkitza tabernetan, eta, egunean bertan, salgai egongo dira zezen plazako leihatilan.