Ados Pilota elkarte sortu berriak antolatutako Plazaz Plaza txapelketaren finala jokatu zen atzo, larunbata, Leitzan (Nafarroa), eta Oihana Orbegozok txapela eskuratu zuen Laia Salsamendi bikotearekin batera. Andrea Aldaregia eta Maite Ruiz de Larramendiren aurka neurtu zituzten indarrak azpeitiarrak eta bere bikoteak, eta 12-22 nagusitu ziren norgehiagokan.
Eskuzko emakume pilotariek Ados Pilota izeneko lehen klub profesionala sortu dute, eta joan zen maiatzean egin zuten klubaren aurkezpena, Leitzan. Hainbat izan dira kluba sortzearen arrazoiak; besteak beste, txapelketa gehiago jokatu ahal izateko, pilotariek lan baldintzak hobetzeko eta beren buruaren jabe izateko sortu dute Ados Pilota. Plazaz Plaza izeneko lehen txapelketaren berri eman zuten aurkezpenean, eta atzo amaitu zen lehen edizioa.