Azpeitiko Ekoetxeak antolatutako familia ekintzen barruan, saskigintza tailerra izango da uztailaren 4an, igandez. Ekoetxean bertan izango da saioa, eta parte hartzaileek gaztain egurra erabilita saski txiki bat egiteko aukera izango dute.
8 urtetik gorako haurrei zuzendutako ikastaroa izango da, eta lau txandatan banatuko dute, plazak mugatuak direlako. Hain zuzen ere, 10:00etan, 10:45ean, 11:30ean eta 12:15ean egingo dituzte saioak. Izena uztailaren 1a baino lehen eman beharko da Ekoetxeko 943-81 24 48 telefono zenbakira deituta.