Ostiralean Azpeitian egitekoak ziren Herri ekimena eta kooperatibismoa nazio jardunaldia hilabete batzuk atzeratu behar izan dute antolatzaileek; izan ere, hizlarietako baten baja medikua hartu du. Hain zuzen ere, David Fernandez kataluniarrak eroriko bat izan zuen joan den asteburuan, eta lesio bat eginda, aste batzuez inmobilizatuta egon beharko du.
Jardunaldiak Sanagustin kulturguneak 10 urte Herri Batzordeak eta Kultiba kooperatibak antolatu dituzte, baina horiek bertan behera uztea erabaki dute, aukera digitala baztertuta. Dena den, jardunaldia udazkenean egitea aurreikusten dutela adierazi dute.
Ostiralean zen egitekoa jardunaldia Azpeitiko Sanagustin kulturgunean. Lehen partean, Fernandez aritu behar zen hizlari, eta bigarrenean, Euskal Herriko lau esperientzia praktikotako ordezkariak: Azpeitiko Elikagunekoak, Mondragon korporazioko Erreka Group-ekoak, Aiaraldeko Ekintza Faktoriakoak eta Goiener-ekoak.