Azpeitiko Udalak emakumeen historia aztertzeko, ikertzeko eta dibulgatzeko proiektu berri bat abiatu zuen joan zen apirilean, eta parte hartze prozesuko bigarren bilera izango da bihar, asteartea, Emakumeen Txokoan. 17:30ean izango da juntadizoa, eta bertan parte hartu nahi duten herritarrek emakumetxokoa@azpeitia.eus helbide elektronikora mezu bat bidali beharko dute.
Herrian esanguratsuak izan diren emakumeak ezagutzea eta errekonozitzea da egitasmoaren xede nagusia, eta herritarren parte hartzearen bitartez berreskuratu nahi dute memoria; horretarako, talde eragile bat sortu dute. Joan zen apirilean egin zuten lehen bilera, eta hilean behin biltzea da taldearen asmoa. Farapi elkarteko kideek dinamizatuko dituzte bilerak.