Urrestillan ez dute giro arratsalde honetan. Txirrindulari baten eta auto baten arteko istripua nahikoa ez, eta ordu antzekoan, zuhaitz bat erori da herrigunearen erdi-erdian. Olajaungoa jauregiko zuhaitz handi bati adar bat hautsi zaio, eta irudi ikusgarriak utzi ditu gertaerak. Sekulako zarata entzun dute urrestildarrek 18:00 aldean, eta une honetan (18:40) Kale Handirako pasabidea oztopatzen du zuhaitzak. Hori horrela, Kale Txikitik bideratzen ari dira trafikoa. Zuhaitzak ez du inor azpian harrapatu.
(Argazkiak: Mailo Oiarzabal)