Bi autoren arteko istripua gertatu da gaur, astelehena, Munategi inguruan, Azkoitirako norabidean. Ertzaintzak Urola Kostako Hitzari jakinarazi dionez, 21:10ean pasatuta jazo da ezbeharra eta bi autok elkarren aurka jo dute.
Suhiltzaileak, Larrialdi Zerbitzuak eta Ertzaintza bertaratu dira istripuaren gunera. Ertzaintzak adierazitakoaren arabera, lagun bat Zumarragako ospitalera eraman dute. Trafikoari pasoa txandaka ematen aritu dira une batez, baina dagoeneko normaltasuna da nagusi errepidean.