Irurena enpresan sua piztu zen atzo. Bernizak ekoizten dituzte lantegian, eta kalte material handiak eragin ditu suak: lehengaiak eta fabrikatutako hainbat material kiskali dira. Horiez gain, lantokiaren inguruko erreka eta ibaietan ere nabari daitezke kalteak: izan ere, Errezil errekan eta Urola ibaian barrena aparra hedatu da. Hona hemen apar hori ikus daitekeen irudi batzuk; Zestoara ere iritsi da dagoeneko.
Azpeitiko Udalak azaldu duenez, Urola ibaiaren hiru gunetan laginak hartu dituzte adituek, eta horiek ikertzen ari dira, apar horrek duen kutsadura maila neurtzeko.