Azpeitiko Espartzu musika taldeak labetik atera berri duen Zerotik hasi izeneko lana aurkeztuko du abenduaren 29an, asteartean, Azpeitiko Gaztetxean, 18:30ean hasita.
Pello Arrue eta Gaizka Arrue anaiek osatzen dute Espartzu, eta iaz Euskal Herriko hainbat eta hainbat txokotan kontzertuak eskaini ondoren, asteartean, hilak 29, aurkeztuko dute kontzertuan Zerotik hasi diskoa. Hitzez jantzitako bederatzi abesti jaso dituzte lan berrian, eta Azpeitiko 2noisy estudioan grabatu dute diskoa.
Gaztetxean aurkeztuko du Espartzuk Zerotik hasi diskoa, eta bihar jarriko dituzte salgai emanaldirako sarrerak. Txartelak aurrez erostea ezinbestekoa izango da, sarrerak mugatuta egongo baitira. Gaztetxean leihatilarik ez dagoen arren, bertan egokituko dute txartelak saltzeko lekua. Hori dela eta, Espartzuren emanaldirako txartela erosi nahi dutenek bihar, hilak 27, 17:00etatik 19:00etara eta etzi 10:00etatik 12:00etara. erosi ahal izango dute kontzerturako sarrera hiru eurotan.