Goenako aparkalekua asfaltatzeko lanak. (Azpeitiko Udala)
Goena sarrerako gunea asfaltatzen ari da Azpeitiko Udala, eta ibilgailuek ezingo dute aparkalekua erabili datorren astelehenera arte. Goenako aisia guneari azken ukituak ematen ari dira; besteak beste, berdegunea egokitu, ibilgailuak garbitzeko gunea berritu eta autokarabanentzako gunea sortu dituzte gune horretan. Udalak 104.883,09 euroko inbertsioa egin du Goena egokitzeko lan horietan, eta Excavaciones y Transportes Orsa ari da lanok gauzatzen.