https://www.youtube.com/watch?v=Dt5ybbADLeI
2012an jarri zuen martxan SOS Arrazakeria elkarteak jatorri desberdinetako herritarrak batzea eta elkar hobeto ezagutzeko zubiak eraikitzea helburu duen egitasmoa. Euskal Herriko hainbat hiriburutan eta herritan, urtean behin, mahaiaren bueltan elkartzen dira herri bereko jatorri desberdinetako familiak eta lagunak, bazkaltzeko. Azaroaren 17a, igandea, aukeratu dute aurten Bizilagunaken barruko topaketa horiek egiteko.
Izen-ematea, zabalik
Egitasmoan parte hartu nahi duten herritarrek azaroaren 11ra arte eman dezakete izena, Udaleko Gizarte Zerbitzuetako bulegora joanda, 943-15 71 92 telefono zenbakira deituta edo ikastaroak@azpeitia.eus helbidera idatzita. Edozein familiak parte har dezake, baita norbanakoek edota lagun taldeek ere.
Azaroaren 17an, bazkari bakoitzean, bertako familia bat eta familia etorkin bat elkartuko dira. Iaz Bizilagunak egitasmoan parte hartu zuten herritarrak dira Maite Azpiazu, Inaxita Bereziartua eta Hetra Boudjemaa. Beren esperientziak elkarbanatu dituzte Uztarriarekin bideo honetan.