Atzo, ostirala, 44 urte beteko ziren Francoren erregimenak ETAko kide Angel Otaegi nuarbetarra eta Juan Paredes Manot Txiki zarauztarra hil zituela, FRAPeko beste hiru kiderekin batera. Horren harira, atzo Otaegi oroitu zuten Nuarbeko hilerrian. Otaegiren familiakoez eta gertukoez gain, bertan izan ziren Udal Gorbenuko hainbat ordezkari ere; tartean, Nagore Alkorta alkatea. Hilerrira joandako lagunek Otaegiri lore eskaintza egin zioten bere hilobiaren aurrean.
Gaur, aldiz, omenaldia egin diote haren jaiotetxearen aurrean senideek, lagunek eta hainbat herritarrek. Ekitaldia musikaz eta olerkiz girotu dute, eta ondoren, Otaegiren familiako kideei aurreskua dantzatu eta lore sorta bana oparitu diete. Omenaldia amaitu ostean, mokadutxoa egin dute hara joan direnek.
Hona hemen atzoko eta gaurko ekitaldietako argazki bilduma: