25 bikotek parte hartu dute gaur Azpeitiko Sare Eguneko paella lehiaketan. Era askotako paellak parte hartzaileek: itsaskiekin, arrainarekin, barazkiekin, haragiarekin... 13:30 aldera hasi dira sukalde lanetan, herriko plazan jarrita zeuden mahaietan. Parte hartzaileak lanean ari ziren bitartean, jende asko ibili da mahaien bueltan sukaldarien lanak ikusten, baita gomendioak ematen ere.
Azoka Plazan egin duten bazkariaren ondoren jakinarazi dituzte paella txapelketako irabazleak Azpeitiko Sarekoek. Eritz Unanuek eta Ander Agirrek prestatutakoa izan da irabazlea. Hauek txibikiekin eta txibien tintarekin prestatu dute paella. Sare Eguneko aurtengo bazkarian 300 lagun bildu dira.
[flickr_set id="72157691489475003"]