Bertan merkatarien elkarteko saltokietan nahiz igerilekuan, kiroldegian eta liburutegian jarriko dituzte kortxoz eta kafe kapsulaz egindako zuhaitzak.
Goienetxe fundazioko kideak eta udal ordezkariak apaingarriekin. (Ihintza Elustondo)
Azken urteetan bezala, Azpeitiko Goienetxe fundazioko kideek Gabonetako apaingarriak egin dituzte, Bertan merkatarien elkarteko kideentzat. Horrez gain, herriko beste hainbat gunetan ere jarriko dituzte beraiek egindako apaingarriak; hain zuzen ere, igerilekuan, kiroldegian eta liburutegian. Aurtengoan, berrerabilitako kortxoekin eta kafe kapsulekin egin dituzte Eguberrietako zuhaitzak. Lan horiek egin ahal izateko, hainbat tabernak lagundu die kortxoak biltzen: Korralek, Sanagustin kulturguneak, Eguzkitzak, Mendizabalek eta Kiroldegiko tabernak. Gainera, Ukabi informatika dendak eman dizkie kapsulak. Herriko gune horiei guztiei eskerrak eman nahi izan dizkiete Goienetxe fundazioko kideek.
Gukak zu bezalako irakurleen babesa behar du tokiko informazioa euskaraz eta modu profesionalean lantzen jarraitzeko.
Izan Gukakide
Izan Gukakide