Azpeitiko futbol klubak jakinarazi duenez, orain artean bigarren entrenatzaile izan den Aitor Zubizarretak hartuko du taldearen gidaritza.
Iñigo Arregi Lagun Onakeko lehendakaria eta Igor San Miguel entrenatzailea. (Lagun Onak F.T)
Igor San Miguel ez da aurrerantzean Hirugarren Mailako taldearen entrenatzaile izango; haren lekua Aitor Zubizarretak hartuko du. Taldeak azken jardunaldietan izandako emaitzak medio hartu da erabakia. Azken 21 puntuetatik hiru lortu ditu taldeak, eta azken hiru neurketak jarraian galdu ditu. Horrenbestez, hemendik aurrera, orain artean bigarren entrenatzaile izan den Aitor Zubizarretak hartuko du gidaritza.
Lagun Onaken partetik esker hitzak besterik ez ditugu Igor San Miguelentzat. Eskerrik asko iragan denboraldian eta aurten egindako lanagatik, eta zorte on hemendik aurrera datorkizunean.
San Miguel 2017ko udan iritsi zen Azpeitira, Realaren Emakumezkoen Lehen Mailako taldean igarotako etapa amaitu ostean. Orduan Aitor Arrate entrenatzaileak aulkian utzitako lekua hartu zuen orduan astigartarrak.
Gukak zu bezalako irakurleen babesa behar du tokiko informazioa euskaraz eta modu profesionalean lantzen jarraitzeko.
Izan Gukakide
Izan Gukakide