Eduki hau partekatzeko esteka arbelera kopiatu da.
Itsasi Eguna ospatu du gaur, zapatua, Itsasi kultur taldeak. Urteroko ohiturari jarraituz, 11:30ean hasi dira ospakizunarekin, parrokian egin duten elizkizunean. Azken urteetan ez bezala, eguraldia lagun izan dute gaurkoan Itsasiko kideek; giro ederra zela aprobetxatuta, kalejira egin dute elizaren ataritik Frontoi Txikira. Ondoren, taldeko dantzari gaztetxoenek hainbat dantza eskaini dituzte pilotalekuan bertan, eta dozenaka senide eta lagun hurbildu da Itsasiko gaztetxoen dantzez gozatzera. Euskal dantzen erakustaldia amaitzean, bazkaria egin dute Itsasiko kideek Sanagustin kulturgunean.