Taldeek udaletxean eman beharko dute izena. Txorizo postua jarri nahi dutenek hilaren 22ra bitartean izango dute horretarako aukera, eta gainerako produktuen postuak jartzeko hilaren 30era bitartean egin dezakete eskaera.
Iazko santotomasetako irudia. (Maialen Etxaniz)
Abenduaren 21ean, San Tomas Egunean, txorizoa, frutak, barazkiak, ogia, loreak edo bestelako produktuak saltzeko Azpeitian postua jarri nahi duenak dagoeneko eman dezake izena. Txorizo postuak jarri nahi dutenek azaroaren 22ra bitartean (osteguna) eman dezakete izena, eta udaleko Festa Batzordeak egun horretan bertan egingo du txorizo postuen zozketa, 19:00etan, Azpeitiko Udal Aretoan.
Gainerako postuak jarri nahi dituztenek, berriz, azaroaren 30era bitartean eman ahal izango dute izena, udaletxean. Edozein zalantza argitzeko, herritarrek Kultura Sailera jo dezakete, 943-15 70 68 telefonora deituta.
Gukak zu bezalako irakurleen babesa behar du tokiko informazioa euskaraz eta modu profesionalean lantzen jarraitzeko.
Izan Gukakide
Izan Gukakide