Uterga eta Labaka dira Azpeitiko Erremonte Txapelketako txapeldunak

Azpeitiko XIX. Erremonte Txapelketako finalistak. (Argazkia: Oriamendi 2010) Erabaki dira Azpeitiko XIX. Erremonte Txapelketako irabazleak. Atzo, ostirala, 18:30etik aurrera, jokatu ziren txapelketako azken bi partidak: finala eta hirugarren eta laugarren postuak erabakitzeko partida. Aurten, berrikuntza gisa, toki-izen baten izenean jokatu dute bikoteka erremontistek. Finala Utergak eta Labakak (Loiola) Matxin III.aren eta Agirrezabalaren (Matxinbenta) jokatu zuten. 40-36 irabazi zuten partida Utergak eta Labakak, txapela irabaziz. Hirugarren eta laugarren postuko partidan onenak Juanenea eta Larrañaga (Azkoitia) izan ziren Azpirozen eta Ionen (Urnieta) kontra; 35-34 izan zen partidako emaitza, ondorioz Juaneneak eta Larrañagak hirugarren postua lortu dute txapelketan. Azpirozekin Ansa II.ak jokatu behar zuen atzokoan, baina pilotak sudurra hautsi eta baja izan zen norgehiagokan. Urriaren 12tik sei bikote lehiatu dira Azpeitiko XIX. Erremonte Txapelketan, bi taldetan banatuta. Jaialdiko partida guztiak ostiralez jokatu dira Izarraitz pilotalekuan, 18:30ean hasita.