Astelehen goizetik eguerdira, oinezkoen zein zama lanetako ibilgailuen ibilian eragingo duten aldaketak iragarri dituzte Azpeitiko Artetxeneko bidegurutzean (argazkian). Alberdieneako lanak direla eta, garabi bat jarriko dute, eta ordu batzuetan eragina izango du horrek trafikoan eta oinezkoen ibilian. Horrela, udalak jakinarazi du oinezkoek ezingo dutela Olazko Andre Mariaren plazatik Artzubia aldera Artetxeneko aurretik pasatu. Zama lanetarako ibilgailuek, Errebalera joan behar badute, ohi bezala egin beharko dute; Arana kalera joan behar dutenek, berriz, plazan gora sartu beharko dute. Udaltzainek zuzenduko dute trafikoa, garabia jartzeko lanek iraun bitartean.
Gukak zu bezalako irakurleen babesa behar du tokiko informazioa euskaraz eta modu profesionalean lantzen jarraitzeko.
Izan Gukakide
Izan Gukakide