Marea Arroxak asteazkenean eta ostegunean jarriko du txartelak saltzeko mahaia plazan, 17:00etatik 20:00etara. Bazkarirako txartelak saltzeko hitzordua ez ezik, hilaren 30eko herri bazkarian laguntzeko prest dauden boluntarioen batzarra izango da asteazkenean.
Iazko herri bazkariko irudia. (Maialen Etxaniz)
Marea Arroxa asteazkenean, uztailaren 25ean, hasiko da hilaren 30eko herri bazkarirako txartelak saltzen. Festa herrikoien aldeko batzordeak plazako arkupetan jarriko du mahaia bi egunez, asteazkenean eta ostegunean, 17:00etatik 20:00etara.
Bazkarirako txartela 8 euro ordaindu beharko da. Festa herrikoien aldeko batzordeak jaietako kamisetetarako epe luzerako diseinua kaleratu zuen iaz, berrerabilpena sustatu asmoz. Hori dela eta, bazkarirako txartelez gain kamiseta arroxa nahi dutenek, 12 euro ordaindu beharko dute. Kamiseta soilik nahi dutenek, aldiz, 8 euro.
Gukak zu bezalako irakurleen babesa behar du tokiko informazioa euskaraz eta modu profesionalean lantzen jarraitzeko.
Izan Gukakide
Izan Gukakide