Gauaren egiak eta Gaitz erdi izeneko antzezlanak izango dira eskainiko dituztenak. 18:30ean hasiko da aktore gaztetxoen emanaldia, Sanagustin kulturgunean. Ikasturte amaierako emanaldia izango da ostiralekoa.
Bi antzerki obra eskainiko dituzte ostiralean.
Azpeitiko Udalaren Gazteria Sailak antolatzen duen haur eta nerabeentzako antzerki tailerra heldu da ikasturte bukaerara. Aurtengo jarduna behar bezala amaitzeko, antzerki emanaldia prestatu dute ostiralerako. Sanagustin kulturgunean izango da emanaldia, 18.30ean hasita, eta 19 neska-mutil azpeitiar igoko dira oholtzara beren abileziak erakustera. Kulturgunera bertaratzen diren lagunek Gauaren egiak eta Gaitz erdi izeneko antzezlanak ikusteko parada izango dute.
Gukak zu bezalako irakurleen babesa behar du tokiko informazioa euskaraz eta modu profesionalean lantzen jarraitzeko.
Izan Gukakide
Izan Gukakide