Ekainaren 10ean Borriolen (Castello, Herrialde Katalanak) jokatuko den mendi maratoian parte hartuko du Etxezarretak. Hark azaldu duenez, "izugarrizko ilusioarekin hartu du berria".
Maite Etxezarreta lasterketa batean.
Euskal selekzioak Espainiako Txapelketarako deialdian sartu du Maite Etxezarreta korrikalari azpeitiarra. Horrenbestez, ekainaren 10ean Borriolen (Castello, Herrialde Katalanak) jokatuko den mendi maratoian parte hartuko du Etxezarretak. Hark Urola Kostako Hitzari azaldu dionez, "izugarrizko ilusioarekin hartu du berria", eta probarako gogoz dago.
Hain zuzen ere, 42 kilometroko proba izango da Borriolekoa, 2.500 metroko malda positiboduna. Eta Etxezarreta beste 15-20 bat korrikalarirekin batera joango da probara, euskal selekzioa ordezkatzera.
Gukak zu bezalako irakurleen babesa behar du tokiko informazioa euskaraz eta modu profesionalean lantzen jarraitzeko.
Izan Gukakide
Izan Gukakide