Datorren ostiralean iritsiko da Mantangorri Sanjuandegira aurtengo festei ekiteko, baina festa usaina hasi da nabarmentzen Azpeitiko auzoan. Gaur, 102 haurrek eta gaztetxok hartu dituzte Sanjuandegiiko bazterrak, Umeen Egunean. 30en bat begiraleren ardurapean, jolas batean aritu dira eguerditik aurrera, adinen araberako taldeetan banatuta. Bustita, zikinduta edota aurpegiak margotuta, Jose Antonio Agirre plazan elkartu dira bazkaltzeko, jolas berriekin jarraitu aurretik indarrak hartzeko. Eta eguna borobiltzeko, Lore Koloreren ikuskizunaz gozatu ahal izan dute.
Bihartik asteartera atseden hartu ondoren, asteazkenean eta ostegunean jarraituko dute festetarako motorrak berotzen Sanjuandegin. Hemen, XJ Auzolaneanek aurreratu duen jaietako egitaraua.
Hemen, gaurko irudi batzuk (argazkiak: Mailo Oiarzabal eta XJ Auzolanean):
[flickr_set id="72157669427448988"]
Gukak zu bezalako irakurleen babesa behar du tokiko informazioa euskaraz eta modu profesionalean lantzen jarraitzeko.
Izan Gukakide
Izan Gukakide