Eduki hau partekatzeko esteka arbelera kopiatu da.
Sareginez plataformak sustatuta, boluntariotza hamabostaldia egiten ari dira Azpeitian. Lan solidarioa sustatzea eta ikusaraztea xede, hainbat ekitaldi antolatu dituzte. Gaur, larunbata, Boluntariotza Azoka egin dute herriko plazan. Bertan, Gipuzkoako hainbat boluntariotza-erakundek eta Azpeitiko beste elkarte batzuk postuak jarri dituzte. Postuetan elkarte bakoitzaren inguruko informazioa eman dute, eta horrez gain, zenbait tailer ere egin dute. Besteak beste, Nagusilanek, Atzegik, Azpeitiko Odol Emaileek, Gurutze Gorriak, Misio Taldeak eta DYAk ipini dituzte postuak.