Informazio panel bat jarri dute Azpeitiko hainbat eragilek, "sistemaren jazarpenen berri emateko"

Plaza Txikian jarri dute panela. (Maialen Etxaniz) Azpeitiko Gaztetxiek, Azpeitiko Ernaik eta Basanderiek asanblada feministak panel informatibo berri bat jarri dute Plaza Txikian. Alde batetik, hiru kontagailu jarri dituzte; eta bestetik, informazioa emateko txoko bat ipini dute. Hala azaldu dute panela jarri duten eragileek: "Guztira, hiru kontagailu jarri ditugu: preso politikoena, eraildako emakumeena eta lan istripuz edo lanaren eraginez hildako langileena. Datu horiek 2018koak eta Euskal Herrikoak izango dira. Bigarren zatian eragile bakoitzak bere txokoa izango du sistemaren jazarpen kasu ezberdinen inguruko informazioa emateko". Atzo, astelehena, zintzilikatu zuten panela Plaza Txikian.