Oteiza elkartekoek Ortuellako Danok Lagunaken kontra jokatuko dute igandean final-hamaseirenetako kanporaketa. Horko irabazleak Ilunpe izango du zain, maiatzaren 6an.
Igandean, hilaren 22an, jarriko da martxan Berria egunkariak antolatutako kluben arteko esku-pilota txapelketa. XV. edizioa beteko du aurten Berria Txapelketak, eta Azkoitiko eta Azpeitiko pilotariek parte hartuko dute lehian.
Asteburu honetan eta hurrengoan jokatuko dituzte final-hamaseirenetako kanporaketak, eta horietako batean ariko dira Azkoitiko Oteiza elkarteko pilotariak. Igandean jokatuko dute Azkoitikoek Ortuellako (Bizkaia) Danok Lagunak elkartekoen kontra, Hernaniko pilotalekuan. Azpeitiko Ilunpekoak, berriz, final-zortzirenetan hasiko dira jokatzen. Hain zuzen ere, azkoitiarren eta ortuellarren arteko kanporaketaren irabazlea izango da azpeitiarren aurreneko aurkaria; maiatzaren 6rako iragarri dute final-zortzirenetako kanporaketa hori, eta Hernanin jokatuko da.
Hernanin jokatuko da, era berean, XV. Berria Txapelketaren finala, ekainaren 23an.
Gukak zu bezalako irakurleen babesa behar du tokiko informazioa euskaraz eta modu profesionalean lantzen jarraitzeko.
Izan Gukakide
Izan Gukakide