Jendetza elkartu da Anaitasunaren eta Lagun Onaken gizonezkoen talde nagusien arteko neurketa ikustera.
Ikusmin handia piztu du gaur arratsaldean Anaitasunaren eta Lagun Onaken gizonezkoen talde nagusiek Azkoitiko Txerloian jokatu duten futboleko derbiak. baina azken emaitzak ez ditu inoren apetak asetu: hutsean berdindu dute Azkoitikoek eta Azpeitikoek Espainiako Hirugarren Mailako 29. jardunaldiko partida. Lortutako puntu bakanarekin, Anaitasunak jaitsiera postuetan jarraituko du, eta Lagun Onakek, berriz, igoerako play-offak jokatzeko aukera bost puntura dauka.
Jokoari dagokionez, Lagun Onak izan da partidaren minutu gehienetan koska bat goitik ibili dena, baina jokoaren kontrolari eraginkortasunik ez diote gehitu bisitariek, batik bat lehen zatian. Bigarren zatian Anaitasunaren bultzadak gehiago parekatu du partida, batik bat azken ordu laurdenean. Aukerarik argienak ere bigarren zatian iritsi dira, Lagun Onakenak lehendabizi eta Anaitasunarenak azken hatsean. Golik gabe bukatu da, ordea, Urola Erdiko derbia.
Jendetza elkartu da Txerloian partida ikustera; etxekoen kolore gorria nagusi izan da, baina asko eta asko izan dira Azpeititik joan direnak ere. Bengala gorriak piztuta hartu dute etxeko taldea ibai aldeko estalpetxo berriaren azpian elkartu diren jarraitzaile gorriek. Tarteka petardoak lehertarazten hasi dira ondoren, eta epaileak jarduera hori eteteko eskatu die Anaitasunaren aulkiko arduradunei.
Hona hemen, Anaitasuna-Lagun Onak partidako argazkiak:
[flickr_set id="72157688657140460"]
Gukak zu bezalako irakurleen babesa behar du tokiko informazioa euskaraz eta modu profesionalean lantzen jarraitzeko.
Izan Gukakide
Izan Gukakide