Azpeitian hasi dira errefusa jasotzeko edukiontzi berriak herrigunean jartzen

Errefusarentzako edukiontzi berria (ezkerrean) Julian Elorza kalean. (Mailo Oiarzabal) Otsailaren 16an hondakin organikoenak jarri ondoren, gaur, astelehena, ekin diote Azpeitiko herrigunean errefusa jasotzeko txipdun edukiontzi berriak jartzeari. Horiek ipinita bukatuko dute Azpeitiko Udalak eta Urola Erdiko Mankomunitateak hondakinak biltzeko sistema berriaren ezarpena. Aurrerantzean, errefusaren edukiontziak irekitzeko eta bertan errefusa botatzeko txipa beharko da derrigorrez. Martxoaren 12a bitartean txipek edukiontzi guztiak irekiko dituzte, baina egun horretatik aurrera bakoitzak bere bizilekuari lotutako edukiontzia bakarrik ireki ahal izango du.