Durangoko Azokarako kaleratu zuen Erokomerik 'Izan' diskoa, taldearen aurreneko lana. Orduz geroztik, taldekideak Euskal Herriko txoko ezberdinetan barrena ibili dira, beren doinuak zabaltzen. Ostiralean herrian eskainiko dute kontzertua, eta Odolaren Mintzoa eta Rukula taldeekin elkarbanatuko dute Gaztetxeko oholtza.
Erokomeriko kideak. Martin Altuna, behean eta erdian. (Erokomeri)
Erokomeri musika taldeak Izan aurreneko diskoa aurkeztuko du ostiralean Azpeitiko Gaztetxean, Odolaren Mintzoa eta Rukula taldeekin batera. Zuzenekoak 21:30ean hasiko dira, eta sarrera 5 euro ordaindu beharko da.
Durangoko Azokarako kaleratu zuen Izan izeneko diskoa Erokomerik. Andoaingo Garate estudioan grabatu zuten beren aurreneko lana Erokomeriko kideek, eta hamar abesti ditu guztira. Odolaren Mintzoaren kolaborazioa ere jaso dute Izan diskoan.
Maialen Bastida, Asier Aizpuru, Unai Olaizola, Eider Iturralde eta Martin Altuna azpeitirrek eta Josu Furundarena usurbildarrak eta Miren Cuerdo lasartearrak osatzen dute Erokomeri.
Durangoko Azokaren atarian elkarrizketa egin zion Urola Kostako Hitzak Martin Altuna Erokomeriko kideari.
Gukak zu bezalako irakurleen babesa behar du tokiko informazioa euskaraz eta modu profesionalean lantzen jarraitzeko.
Izan Gukakide
Izan Gukakide