Irati Arangurenek irabazi du Uztarriaren Irudhitzen lehiaketako testuen atala

Arangurenek argazki honi jarri dizkio epaimahaiak aukeratutako hitzak. (Javier Bastida) II. Irudhitzen lehiaketaren testuen ataleko epaimahaiak hala erabakita, Irati Aranguren azpeitiarrak irabazi du idatzizko lehiaketa. Gaur, abenduak 12, jakinarazi dute epaia Xabier Gantzarainek, Alaitz Olaizolak eta Miren Gorrotxategik. Arangurenek Javier Bastidaren argazkiari jarritako testua da epaimahaikideek nabarmendu dutena, eta horrenbestez, 150 euroko saria eskuratuko du hitzen sortzaileak. Ez da Arangurenek idatzi eta aukeratu duten testu bakarra, haren beste bi testu ere jasoko dituelako 2018ko egutegiak. Honakoa da testu saritua: - Sehaskaren kunkuna, egizu lo kuttuna, badator ta iluna.  - Gauaren dama, gorria dana, ametsetara narama. Goxoloin ama! Egutegia osatuko duten beste 11 irudiei lagunduko dieten testuak ere epaimahaikideek aukeratu dituzte, eta honako egile hauenak dira: Jon Gurrutxaga, Ihintza Elustondo, Ion Aramendi, Peru Aiartza, Maialen Etxaniz, Markel Urrutikoetxea eta Amaia San Vicente. Egile batzuen kasuan, haiek idatzitako testu bat baino gehiago aukeratu ditu epai-mahaiak. Lehiaketaren inguruko nondik norako guztiak, Uztarrian.