Bixi-Bixi elkarteak Pasaiako gazteluan jarri zuen oroitarria azaroaren 11n, eta ezezagunek joan zen ostiralean erasotu zuten. Hain zuzen ere, oroigarria indarrez kendu zuten eta sasi artean aurkitu dute metakrilatoa apurtuta. Elkarteak adierazi du oroitarria konpondu eta asteazkenean jarriko dutela berriro.
Pasaiako segadan hildakoen oroitarria. (Oarsoaldeko Hitza)
Ezezagunek Pasaiako segadan hildakoen oroimenezko oroitarria erasotu dutela jakinarazi du Bixi-Bixi elkarteak. Azaroaren 11n, Pasaiako gazteluan jarri zuen oroitarria –irudian osorik ageri da oroitarria– elkarteak, eta ostiral gauean erasotu zuten; oroigarria indarrez kendu zuten eta sasi artean aurkitu dute metakrilatoa apurtuta. Elkarteko kideek adierazi dutenez, oroigarria jaso dute, eta konpondu ostean, asteazkenean berriz jarriko dutela adierazi dute.
Oroitarria azaroaren 11n jarri zuten, eta egun hartan bertan eman zuten Pasaiako Badia dokumentala Donibanen. Bixi-Bixi elkarteak antolatu zuen omenaldia, eta han izan ziren segadan hildakoen senideak.
1984ko martxoaren 22an Espainiako Poliziak Komando Autonomo Antikapitalistetako Dionisio Aizpuru Kurro eta Pedro Mari Isart Pelitxo azpeitiarrak eta Rafael Delas Txapas eta Jose Maria Isidro Izura Pelu iruindarrak hil zituen Pasaiako badian.
Gukak zu bezalako irakurleen babesa behar du tokiko informazioa euskaraz eta modu profesionalean lantzen jarraitzeko.
Izan Gukakide
Izan Gukakide